Nde resa kuarahy´ãme

Sapy´ántepa ikatúne kuarahy pytu akúgui
nde resa kuarahy´ãme aguahë apyty´umi
ndijavyinteva ku chéve ysatï opupúva hína
amambái roky apytépe nde resakuéra mimí.

 Pyharépa rehecháva ñasaindy pereperépe
jasymi oike ha osëva araípe oñemo´ã
ha ndave ku upeichaitéva rejere ha rejerévo
omimbi ha iñypytüva nde resa kuarahy´ã. 

Ajuhu mba´e iporãva che py´a guive ahayhúva
yvypórape omoïva jeguakáramo Tupã
ysyry rendaguemícha hovyü ha ipyko´ëva
vevuimínte ahëtuséva nde resa kuarahy´ã. 

Reikuaáma aarohoryva reikuaáma mamoitépa
sapy´a amanoha ára ikatúne che ñoty
che rejántekena Mirna nde resa kuarahy´ãme
tosyry jepi anga che ári tapia nde resay

Letra: Teodoro S. Mongelós
Música: Julián Alarcón

Escoltar